IZENQAN N WAṬṬAN..

Yekcem allaɣ n tsertit
Yenwa tasertit d allaɣ
Mi s-tezmumeg tafejrit
Yeḥrec di tikli yettaɣ
Teldi iɣallen tasebḥit
S wul azembil yettnaɣ
Ur d-tezzi ara tmeddit
Aserkem deg-s yettaɣ
A nnger-im a Timanit
Di rreḥba n dadda yettwaɣ

Di rreḥba-nni yettusu
Ur d-yeccetka xas qrib
Anda ur as-yehwa wusu
Yessefti-t iga-t d nnsib
Tezḍa-t tedrimt d aselsu
Asmi s-iɛerra i weḥbib
Tagmat iger-itt s asensu
Yeḥrec yif geddac d arbib
A nnger-ik ay Amussu
Yeǧǧa-k udabu aɣrib

Aswir-is yif amaswaḍ
Taswirt-is mi s-yeqqensel
Ɣer tlamda d asemmaḍ
Am tara yejbed lasel
D acu t-yeǧǧan yenẓerwaḍ
A nekk i t-yufan yeḥsel ?
Ulman bdan-d acḍaḍ
Neɣ d acḍaḍ i d asensel ?
A nnger-ik ay Anabaḍ
S uṭixer tuǧǧit temsel