Tablaḍt n rebbi..

Uɣaleɣ almi d din

Σebbaɣ nnig

Xas iɣab ddin

S uqerru d amuḍin

Kra ur yufig

Am win ur yebdin

Ccfawat i yendin

Σeqlent uccig

Yettxiqin dindin

...........

Asmi m-giɣ udem

A tablaḍt n waman

Unefɣ-as yid-m

Zzin-as wulman

Taḍsa mi teqdem

Leqqmen-tt izerman

Ugel yennuddem

Yeɣreq deg yimetman

Ayendur yendem

Mi zhan iselman

............

Xas tennerna tikti

Ftint temsal

Afud yeffukti

Mi sefḍeɣ s userti

Yebda-d umsal

Yerna deg urti

Xas tanyirt tefti

Am temseḥsal

Ad d-rebbiɣ unti

..........

Asmi ftiɣ yes-m

A taḥjurt n yileɣman

Ssabeε-iw d ssem

Leḥsab-iw d igelman

Yak tili tegzem

Sεan-d lexyal waman

Aksum yekkussem

Ay adif i d-yegman

Iḥezzem qessam

Mi tru teglimt yeḥman