Cnu-d..

Cnu-d nnig leεtab
Di lǧeṛṛa n leḥbab
Ur nenneqlab

Ad k-amneɣ ay akeddab !

. . . .

Cnu-d tekfa tayri
N tin yefkan Afus
Dayen !
Yeṛṛeẓ lemri
Allen beddlent llbus
Zeddig, yefṛeɣ yiri
Xas mazal ad ɣ-tesduqus

Cnu-d ddaw yitri
Akin akk i ukerrus

Ad k-amneɣ ay akeddab
Ur nettneqlab
Di lǧeṛṛa n leḥbab
Ulamma nnig leεtab

. . . .

Cnu-d tekfa tinna
Ur yettfakka wawal
Yid-s tegzem lahna
Ur telli deg umaḍal
D tayeḍ i nmenna
Nekk d wul aderɣal

Cnu-d yal d asigna
Ccbaḥa-s mi d amellal

Ad k-amneɣ ay akeddab
Ur nettneqlab
Di lǧeṛṛa n leḥbab
Ulamma yezdi leεtab