Tagelda n lesrar..

Teɣli tgelda n lesrar
Teɣli-d tayri temmar
Dɣa d nekk i yeɣlin
...........
Ɣliɣ deg usigna
Yeɣlin deg tayri
Ɣliɣ deg Tinna
Yesseɣlin lemri
Aɣelluy yekna
Deg-i mi yerna,

Teɣli tgelda n lesrar
Teɣli-d tayri temmar
Dɣa d nekk i yeɣlin
...........
Ɣliɣ deg lewqat
Yeɣlin deg wayla
Ɣliɣ deg nettat
Yesseɣlin tazzla
Aɣelluy yexla
Deg-i mi yeḥla,

Teɣli tgelda n lesrar
Teɣli-d tayri temmar
Dɣa d nekk i yeɣlin
...........
Ɣliɣ di tsusmi
Yeɣlin di tezmert
Ɣliɣ deg Kemmi
Yesseɣlin tudert
Aɣelluy yeɣli
Deg-i mi yuli,

Teɣli tgelda n lesrar
Teɣli-d tayri temmar
Dɣa d nekk i yeɣlin
...........
Ɣliɣ di ssṛaya
Yeɣlin deg talwit
Ɣliɣ di Dihya
Yesseɣlin tallit
Aɣelluy yeεya
Deg-i mi yeḥya,

Teɣli tgelda temmar
Teɣli-d tayri n lesrar
Dɣa d nekk...
Nettat...
Tinna...
Tinna d kemm

                                                                                                             Bgayet 11.11.2014