15 juin 2014
Tuclixt..
D allaɣ i yečča usyax
Mi d-yendekwal wawal
Yettmagar-it-id uslax
Mi ara tent-yettḥawal
Di temḍelt nnig uclax
Gar tsusaf icax
D tasusmi i yettnawal
D tikellax i lecyax
...........
Awal yeǧǧa-d afeddix
Idammen mačči tikwal
Yufa iman-is ubaxix
Yettfunzur d tizwal
Wid i wumi yettkellix
Yettgalla-yasen d ufsix
Mi sen-yessefsex ccwal
D akal i yesberttix
...........
Nnig ugelzim n zzux
Teqqers tayet i uɣerbal
Ilem yessefrak acmux
S uqebbel i t-yettqabal
Ccah ! yettuɣaḍ ufrux
Yellan yakan d ameslux
Leqrar-is d izenbyal
Am Teqbaylit umeclux
Targa Uzemmur
13 Yunyu 2014
Publicité
Publicité
Commentaires