ALLAƔ USEBBAḌ..

Seg wayen d-mlan
Deg wayen d-ǧǧan
Rebbi yexleq
Gar medden yefreq

Wa yeǧǧa imawlan
Wa d nutni t-yeǧǧan
Wa d kulci d-yejleq
Wa f kulci yeḥreq
Llan wid yettullan
Akked widak yerǧan
Lhasul !
Rebbi yeḥmeq
Yeɣleb lmileq

.......

Seg wayen d-ḥkan
Deg wayen d-cfan
Rebbi meqqer
Waḥed-s d iεiqer

Wa yumen ibkan
Wa yeḍfer ilfan
Llan wat iziɣer
Seg-sen ara nɣer
Tamusni ɣ-d-fkan
D nettat yenfan
Lḥasul!
D yir acuɣer
Yettun asteɣfer

......

Seg wayen yerban
Deg wayen yeqwan
Rebbi Yeḥfa
Anzi-s d akerfa

Wihin d aciban
Wa ǧǧan-t iselwan
Ma d adlis yecfa
Mi tekfa tnafa
Nekk d nekk nban
Nedder s ssiwan
Lḥasul!
Rebbi yekfa
Ma d akli-s yerfa