imezgi n lḥerma..

seg uƔilif d araz

seg-i d aƔilif

araz yelsa akraz

ncedha-k ay asurif

mi nenwa ajerraẓ

ziƔ yeqqur uεarif

hatan tura umehraz

d azduz i yessifif

alemsir yebda aƔẓaẓ

anwa i yeddem wasif

idel wezduz laẓ

yessummet yettjif

asammer yeffi-d arẓaẓ

anzaḍ yaǧǧa aẓarif

win yettiniten ad yaẓ

ad d-yettagem ukrif

ad as-iliƔ d axerraz

tisegnit d lmendif

tisli tezza ifuaẓ

hatan amek-it wadif

.............

seg igenni d adfel

ma seg-i d iƔimi

seg iƔimi d axatel

seg udfel d tasusmi

seg tsusmi nfel

s axatel n tidmi

ameẓẓuƔ ad yenfel

ad yaƔ tannumi

aqeffaf d lemtel

d anwa-t ay imi

seg-k ad d-nectel

neƔ ad ak-neg d timmi

azul i usutel

ma teffiḍ-d acimi

tidi ad ak-d-tekfel

ad d-zgeƔ d agumi

ḥsiƔ-t usekfel

yernu s yir kemmi

nek kem d wedfel

d tawacult n melmi

                                                                                                                                         sṭif

                                                                                                                                          22yennayer2961

                                                                                                                                          Ɣef 02:50