amseḍfer aneggaru..

amseḍfer aneggaru

tiṭ s tmuƔli

ccfeṛ iƔelli

tamuƔli s usali

akk-a am akul azekka

tazwara-s s yiḍelli

akk-ihen  d   tafekka

taggara-s s umwelli

ma yella d aẓekka

ad d-nestafi ad nwali

ma ur nekki Ɣef takka

aƔrum ur d-yettali

ma nekref di tferka

taƔerma ad Ɣ-d-tettcali

tiṭ s tmuƔli

ccfeṛ iƔelli

tamuƔli s usali

tella-d akk-a tlalit

teččuṛ-itt tezdeg

tanzayt tenna i tmeddit

Ɣur-m iban d acerreg

talalit s unehhit

teḍsa Ɣef usdegdeg

imi akk-a am yal tallit

Ɣef iman iman yufeg

tiṭ s tmuƔli

ccfeṛ iƔelli

tamuƔli s usali

Ɣef akken i nenwa

mačči d amur i snat

Ɣef ayen i neswa

ngurreε-d rregmat

d tugdudt a tiliwa

ajeƔƔim ma neswa-t

d tikerkas ma nlewwa

tiziri zdat tafat

sṭif

01 cutenbeṛ 2960

Ɣef 06:45