taceƔlit taweƔzit..
ulamek d ayƔeṛ n wamek
ulayƔeṛ d ulamek n wayƔeṛ
amek d ayƔeṛ n ulamek
ayƔeṛ d amek n ulayƔeṛ
................
yerra-yi wakud d iferr
seg aḍu tṛajuƔ azekka
di Σawaz tigdi tezzaḍ
tanzayt s wayen i teffer
tufa-yi-d kuṛṛeƔ tafekka
nnig-iw d tagelda n unzaḍ
sdukkeleƔ tikli s uΣafer
tengegguyeƔ akkin akka
wekkeleƔ i tfexsa leΣyaḍ
ladƔa mi iffulta ccfeṛ
aglim-iw fiḥel ma irka
ƔliƔ s aẓekka d asemmaḍ
................
gar tudert d tudert llant tirga
gar targit d targit d wissen
targit n yiḍes meqqar d targa
d tafat ara tt-ikkesen
.................
aḥulfu ikna i uƔelluy
giƔ timedlin d aḍeggal
ma ǧǧiƔ targit ad tecrew
ebbeƔ di tsusmi laṛyuy
rẓem-it s ucerreg ungal
tasekla s tekṛiṭ turew
anda tezwar i d abruy
d tidett ur yelli d azgal
urgaƔ targit tessallew
dayen yeṛja-yi walluy
fiḥel tamuƔli ad teggal
akay inčew izzegzew
genzat
18 yunyu 2960
Ɣef 02:16