16 février 2010
timenna..
S yigenni i tella lqaεa
d laqaεa i iddmen igenni
wa yebra-d i sselεa
ta tella-as d agerbi
..........
leqṛar ḥṣu d iḍaṛṛen
i yebɣu yuli lbaz
s wid ur-yetferfiren
i ad s-yettili warraz
netta yezga yetwassen
yetwattu umedyaz
d acu ar ad d-iniɣ
amaynut d weqbuṛ
gar-asen tcewwel
ilel akud lbabuṛ
gar-asen teḥmel
wa s tissas yeččuṛ
wa i iman-is isell
ur-ḥṣin s wemḍuṛ
d azemmur yehmel
ur-ḥṣin-ara azemmur
d zzit i ifeṣṣel
ar ad d-iniɣ
rriɣ tamuɣli s abrid
d taṛbuyt d tbaqit
tabaqit d amsebrid
yezwar-d ɣer ddunit
taṛbuyt ur-tewjid
almi tabaqit d tiqit
ini-t nniɣ
tasusmi teḥka i wawal
yessekles ulemmas
talwit rnu-tt i ccwal
deg iḍ neɣ deg ass
ad d-tfehmeḍ amaḍal
d ṭṭṛad i d ccbaḥa-s
ma d allaɣ yeǧǧan lmal
d taḍuṭṭ n weksas
ṣṭif
13 fuṛar 2960
ɣef 21:22
Publicité
Publicité
Commentaires