akka i d kemm..

akka i d kemm..

Fellam ilmeẓyen nudan
ar-Γuṛ-m ftin iberdan
cban iferr n lexṛif

nekk iyellan d amdan
amzum isem-iw d ladan
mi-d-teḍriḍ i wul-iw uḍṛif

lḥiΓ tayri-w tebbuṛket
talwit d allen-iw i tessummet
ur-ssineΓ lḥif d uΓilif

seg uḥulfu ṛṛuḥḥ yenhet
ay at leḥmala f tayri-w hḍeṛ-t
ul-iw asefru ur-t-yessifif

tabṛatt-im ad-teggal teḥnet
ma ur-telli inew tezwart
i yebΓun yili felli xfif

temẓi tεedda d tafat
am gujil yeǧǧa ubabat
kullci deg-i yesḥissif

ṭṭlam am lehwa yekkat
ar Γuṛ-m rriΓ-d taswaεt
kemm terriṭ garanaΓ asif

lmeḥna teqq°el d snat
ad-zegreΓ Γuṛ-m ahat
adeddi d lmut kifkif

tamuΓli rriΓ-tt ar zdat
anda ṣṣbeṛ asirem yessa-t
fecleΓ yebεed usurif